Më 24 tetor 2024, e enjte, gjatë Forumit të Nivelit të Lartë për Zgjerimin e BE-së që u mbajt në ndërtesën Charlemagne në Bruksel, liderët dhe aktorët nga e gjithë Evropa u mblodhën për të diskutuar të ardhmen e procesit të zgjerimit të Bashkimit Evropian. Forumi theksoi rolin e rëndësisë së veçantë të shoqërisë civile në sigurimin e suksesit të përpjekjeve për zgjerimin e BE-së.

Ngjarja u hap me një fjalim hyrës nga Oliver Röpke, President i Komitetit Ekonomik dhe Social Evropian (EESC). Ai theksoi rëndësinë e një shoqërie civile të gjallë si një bazë për zgjerim të qëndrueshëm, duke nënvizuar angazhimin e BE-së për të mbështetur vendet kandidate në rrugën e tyre drejt anëtarësimit në BE.

Në një takim të rëndësishëm anësor, Kryetari i Bashkimit të Sindikatave të Pavarura të Kosovës – BSPK, i cili po merr pjesë në forum, zhvilloi bisedime me z. Oliver Röpke. Gjatë këtij takimi, z. Röpke shprehu mbështetjen e tij të fuqishme për BSPK-në, veçanërisht në lidhje me forcimin e Dialogut Social në Kosovë. Ai theksoi se avancimi i dialogut social duhet të jetë një përparësi e rëndësisë së veçantë dhe një detyrim për Qeverinë e Kosovës në rrugëtimin e saj drejt integrimit evropian. Mbështetja e z. Röpke përbën një moment të rëndësishëm në avokimin për të drejtat e punëtorëve dhe promovimin e proceseve gjithëpërfshirëse të politikëbërjes në Kosovë.

Për më tepër, Kryetari i BSPK-së zhvilloi gjithashtu bisedime me znj. Biljana Spasovska, e cila po mbështet zëshëm anëtarësimin e Kosovës në BE. Znj. Spasovska ripërtëriri mbështetjen e saj të fuqishme për rrugën e Kosovës drejt anëtarësimit në BE, duke njohur përpjekjet e organizatave të shoqërisë civile, e sidomos të BSPK-së, për promovimin e vlerave demokratike dhe sundimin e ligjit.

Diskutimet në forum dhe takimet e zhvilluara sinjalizojnë një angazhim të ripërtërirë për aspiratat evropiane të Kosovës dhe nënvizojnë rolin thelbësor të dialogut social dhe shoqërisë civile në arritjen e këtyre qëllimeve.

12 shtator 2023

Përfaqësuesit e Sindikatës së Punëtorëve të RTK-së, kryetari Gëzim Bimbashi, kryetari i Kuvendit, Driton Mjeku dhe anëtari i kryesisë, Blerim Ruhani, sot, e martë, 22 shkurt 2022, patën takim me kryetarin e BSPK-së, z. Atdhe Hykolli.

Përfaqësuesit sindikalë e njoftuan kryetarin e BSPK-së, Atdhe Hykolli, me sfidat e shumta me të cilat po përballet mediumi publik, me mosmiratimin e Ligjit të ri të RTK-së, mos ndërtimi i objekteve të reja, mungesa e financimit të pavarur të RTK-së, shkurtimi i buxhetit nga institucionet e Kosovës në rreth 2.1 milionë euro, gjë e cila ka krijuar vështirësi për Transmetuesin Publik.

Kryetari Hykolli po ashtu u njoftua edhe për ndërprerjen e kontratave mbi vepër, dhe për risistemimin e paralajmëruar nga ana e Bordit të RTK-së pasi të funksionalizohet Menaxhmenti i ri i RTK-së.

Kryetari i BSPK-së, Atdhe Hykolli, premtoi mbështetje të çfarëdo procesi që ka të bëjë me mbrojtjen e të gjithë punonjësve të RTK-së.

Kreu i BSPK-së, Atdhe Hykolli, tha se janë duke i ndjekur me shumë vëmendje të gjitha zhvillimet në RTK, dhe për BSPK-në është me shumë rëndësi kthimi i normalitetit në RTK, siguria e të punësuarve dhe respektimi i të gjitha të drejtave të punëtorëve në RTK.

Të nderuar kolegë të RTK-së, të gjitha proceset e paralajmëruara dhe risistemimet e paralajmëruara Sindikata do t’i monitorojë nga afër. Në momentin që do të hasim gjëra që bien ndesh me ligjin, do të reagojmë publikisht dhe çdo çështje do ta dërgojmë tek organet kompetente. SPERTK nuk e mbron paligjshmërinë, por as degradimin ose çfarëdo forme që bie ndesh me Ligjin e RTK-së, kontratën e secilit punonjës dhe rregulloret e brendshme.

SPERTK ka mbështetjen e plotë nga BSPK për cilindo veprim që ka për qëllim mbrojtjen e kolegëve tanë në RTK dhe ky është misioni i SPERTK-së dhe i BSPK-së.

SPERTK do të kujdeset për secilin koleg dhe për secilën kontratë, duke mbrojtur të drejtat e secilit punonjës në RTK.